Չինաստանը ևս մեկ անգամ ընդգծել է ՀԳՀԾ-ին իր հավատարմությունը
Ողջունելով Իրանի կողմից իր պարտավորությունները կատարելու վերաբերյալ ԱԷՄԳ-ի վերջին զեկույցը, Չինաստանը համաձայնության մյուս կողմերին ևս կոչ է արել հավատարիմ մնալ իրենց պարտավորություններին:
Չինաստանի ԱԳՆ խոսնակ Գանգ Շունգը, երկուշաբթի օրը կայացած մամլո ասուլիսում անդրադառնալով ՀԳՀԾ-ին Իրանի հավատարմության վերաբերյալ ԱԷՄԳ-ի վերջին զեկույցին, հայտարարել է. «Չինաստանը շարունակելու է համագործակցել ՀԳՀԾ-ի բոլոր կողմերի հետ և պաշտպանելու է իր շահերն ու իրավունքները»:
Նա հավելել է. «Իրանի հետ միջուկային համաձայնագրի լիարժեք գործադրումը, որպես ԱՄԿ-ի ԱԽ բանաձև, լարվածությունը մեղմելու և Իրանի միջուկային հարցի լուծման միակ ճանապարհն է, որը բխում է համաշխարհային հանրության ընդհանուր շահերից»:
Հակառակ ԱՄՆ-ի պնդումներին, թե Իրանը չի կատարում ՀԳՀԾ-ով ստանձնած իր պարտավորությունները և անգամ փորձում է ատոմային զենք արտադրել, ԱԷՄԳ-ն իր վերջին զեկույցում նշել է, որ Թեհրանը շարունակում է հավատարիմ մնալ իր հանձնառություններին:
Իր ամենամյա զեկույցում, գործակալությունը հայտարարել է, որ Իրանի միջուկային պաշարները չեն գերազանցել սահմանված շեմը:
