Եվրոպական եռյակը ՀԳՀԾ-ի վերաբերյալ հուշագիր է ստորագրել
Ֆրանսիան, Գերմանիան և Բրիտանիան սպառնացել են Իրանին՝ ՀԳՀԾ-ով ստանձնած իր պարտավորությունների մի մասի դադարեցման հետևանքների կապակցությամբ:
Երկուշաբթի օրը, եվրոպացի դիվանագետները հայտարարել են, որ հունիսի 22-ին, այդ կապակցությամբ նամակը հանձնվել է Իրանին:
Երկուշաբթի օրը, Բրիտանիայի կառավարությունը հայտարարել է, որ Լոնդոնը համագործակցում է Իրանի հետ՝ լարվածությունը նվազեցնելու ուղղությամբ, սպառնալով, որ եթե Թեհրանը ՀԳՀԾ-ի հարցով չհամագործակցի Եվրոպայի հետ, գոյություն ունեն այլ տարբերակներ:
ԻԻՀ ԱԳ նախարարի քաղաքական հարցերով տեղակալ Սեյեդ Աբբաս Էրաղչին, կիրակի օրը նշել է, որ ՀԳՀԾ-ից ԱՄՆ-ի դուրս գալուց հետո, եվրոպացիները չեն ցանկանում կատարել իրենց պարտավորությունները: Նա հավելել է, որ Եվրոպան պատրաստ չէ համաձայնության պահպանման համար որևէ կերպ վճարել:
Էրաղչին հավելել է. «ՀԳՀԾ-ով ստանձնած իր պարտավորությունների մի մասի դադարեցման վերաբերյալ Իրանի որոշումն ազգային որոշում է և այն անփոփոխ է»: Նա հավելել է, որ Իրանը շարունակելու է իր գործողությունները, մինչև սեփական պահանջների բավարարումը:
