ԱՄՆ-ն փորձում է կրկին բանակցել Հյուսիսային Կորեայի հետ
Փխենյանի զգուշացումից հետո, ԱՄՆ պաշտոնյաները հայտարարել են Հյուսիսային Կորեայի հետ բանակցություններ վարելու իրենց պատրաստակամության մասին:
ԱՄՆ Պետդեպարտամենտի մի պաշտոնյա կիրակի օրն առանց որևէ հավելյալ բացատրության հայտարարել է.«Հյուսիսային Կորեայի պատրաստակամություն հայտնելուն պետ, Վաշինգտոնը ևս պատրաստ է այդ երկրի հետ բանակցել»:
Հյուսիսային Կորեան զգուշացրել է Վաշինգտոնին, որ ԱՄՆ-ի հետ բանակցելու Փխենյանի սպասումներն աստիճանաբար անհետանում են:
Հյուսիսային Կորեայի արտաքին գործերի փոխնախարար Չո Սոն Հույը վերջերս ասել է.«Փխենյանի վերաբերյալ ԱՄՆ Պետքարտուղար Մայք Պոմպեոյի ծայրահեղական հայտարարություններն ու դիրքորոշումներն ավելի են բարդացրել այդ երկրի հետ բանակցության հարցը»:
Վիետնամի մայրաքաղաք Հանոյում փետրվարին կայացած ԱՄՆ-ի ու Հյուսիսային Կորեայի ղեկավարների հանդիպումից ի վեր դադարել են Կորեական թերակղզու միջուկային հարցերի շուրջ երկու երկրի բանակցությունները:
