Թրամփը Մակրոնին ասել է, որ Իրանի դեմ պատժամիջոցները չեն նվազելու

Իր ֆրանսիացի պաշտոնակցի հետ հեռախոսազրույցում, ԱՄՆ նախագահն ասել է. «Իրանի դեմ շրջափակումների վերացումը դրված չէ Սպիտակ Տան օրակարգում»:

Սպիտակ Տունը հայտարարել է, որ Մակրոնի հետ հեռախոսազրույցում Դոնալդ Թրամփն ընդգծել է, որ չի վերացնելու Իրանի դեմ պատժամիջոցները:

Լրատվական հարցերով Թրամփի հատուկ օգնական  Ջուդ Դեյերը թուիթերում գրել  է, որ Թրամփն ու Մակրոնը հեռախոսազրույցի ընթացքում համաձայնության են եկել Իրանի միջուկային սպառնալիքը վերացնելու և Պարսից Ծոցում նավագնացությունը ազատ հայտարարելու կապակցությամբ:

Նա նշել է, որ Թրամփը Մակրոնին ասել է, որ այս պահին չի պատրաստվում նվազեցնել Իրանի դեմ պատժամիջոցները: