Վաշինգտոն. Թեհրանի դեմ առավելագույն ճնշման քաղաքականությունը շարունակվում է
ԱՄՆ Պետքատուղարության խոսնակը հայտարարել է, որ Վաշինգտոնը շարունակում է առավելագույն ճնշում գործադրել Իրանի Իսլամական հանրապետության վրա:
Մորգան Օրտագուսը հինգշաբթի օրը հայտարարել է, որ Վաշինգտոնը կշարունակի Թեհրանի դեմ ճնշումը, սակայն ԱՄՆ նախագահ Դոնալդ Թրամփն ամեն դեպքում, պատրաստ է հանդիպել Իրանի նախագահ Հասան Ռոհանին:
ԱՄՆ ֆինանսների նախարար Սթիվեն Մենուչինը հայտարարել է, որ պետքարտուղար Մայք Պոմպեոն, ինքն անձամբ և ազգային անվտանգության մի շարք պաշտոնյաներ, կողմ են Իրանի վրա առավելագույն ճնշման ռազմավարությունը շարունակելուն:
Չնայած Թեհրանի հետ բանակցելու ԱՄՆ-ի պատրաստակամությանը, իրանցի պաշտոնյաները բազմիցս հայտարարել են, որ բանակցություն տեղի չի ունենա, քանի դեռ Վաշինգտոնը չի չեղարկել Իրանի դեմ սահմանված բոլոր պատժամիջոցները և «առավելագույն ճնշման» քաղաքականությունը:
