Ռուսաստանն ու Թուրքմենստանը կհամագործակցեն Կասպից ծովի նավթագազային հանքավայրերի շահագործման հարցում
Թուրքմենստանի նախագահը և Ռուսաստանի «Լուկօյլ» նավթային ընկերության ղեկավարը քննարկել են Կասպից ծովի Թուրքմենստանի ափամերձ շրջանների նավթի և գազի հանքավայրերի շահագործումը:
Լուկօյլ ընկերության ղեկավար Վագիտ Ալեքպերովը Աշխաբադում հանդիպել է Թուրքմենսատնի նախագահ Գուրբանգուլի Բերդիմուհամեդովին: Ալեքպերովը հանդիպման ժամանակ հայտարարել է. «Թուրքմենստանում ստեղծվել են բարենպաստ ներդրումային պայմաններ և համապատասխան օրենսդրական դաշտ, ինչի արդյունքում, նավթի ու գազի արդյունահանման ոլորտում խոշոր ներդրումներ են իրականացվել: Այդ իսկ պատճառով, Լուկօյլ ընկերությունը նույնպես հետաքրքրված է նավթային նախագծերում ներդրումների իրականացմամբ»:
Նա հավելել է, որ ընկերությունը նպատակ ունի ռազմավարական նախագծեր իրականացնել Թուրքմենստանում:
Թուրքմանսետանի նախագահը ռուսական ընկերություններին կոչ է արել առավել լայն համագործակցություն ծավալել «Թուրքմեն նավթ» և «Թուրքմեն գազ» ընկերությունների հետ:
