Ֆրանսիան կոչ է անում շարունակել ՀԳՀԾ-ի պահպանմանն ուղղված քայլերը
Ֆրանսիայի արտգործնախարարը հայտարարել է, որ Փարիզը կշարունակի միջուկային գործարքը փրկելուն ուղղված ջանքերը:
Միջուկային զինաթափման կոնֆերանսի ժամանակ ունեցած ելությում, անդրադառնալով պաշտպանական և զսպիչ ռազմավարության վերաբերյալ Էմանուել Մակրոնի վերջերս արած հայտարարություններին, Ժան Իվ Լը Դրիանն ասել է. «Մի քանի շաբաթ է մնացել միջուկային զենքի չտարածման պայմանագրի համաժողովին: Փարիզը պաշտպանում է նախագահի տեսակետները, այդ թվում ՝ միջուկային զենքի չտարածման մասին պայմանագրին հավատարիմ մնալու, Հյուսիսային Կորեայի միջուկային և բալիստկ ծրագրերի ամբողջական վերացման և ՀԳՀԾ-ն պահպանելուն ուղղված ջանքերի շարունակման վերաբերյալ»:
Փետրվարի 7-ին, Ֆրանսիայի նախագահ Էմանուէլ Մակրոնը հայտարարել էր, որ Փարիզը կրճատել է իր միջուկային զինանոցը և հիմա ունի 300-ից ավելի քիչ մարտագլխիկ: Նա եվրոպական երկրներին հորդորել էր մշակել սպառազինությունների վերահսկման միջազգային ծրագիր:
