Լավրովը քննադատել է ԱՄՆ-ին՝ միջուկային համաձայնագիրը խախտելու համար
ՌԴ ԱԳ նախարարն վերստին քննադատել է ԱՄՆ-ին Իրանի միջուկային համաձայնագիրը խախտելու համար։
Ժնևում Մարդու իրավունքների խորհրդի 43-րդ նստաշրջանում ունեցած ելույթում, Սերգեյ Լավրովն ասել է․«ԱՄՆ-ն սպառազինական մրցավազք սկսելով, խոչընդոտում է միջուկային զենքերի չտարածմանն ուղղված ջանքերին»։
ՌԴ ԱԳ նախարարը հավելել է․-«ԱՄՆ-ն խափանելով Իրանի միջուկային համաձայնագիրը, սրել է տարածաշրջանում տիրող լարվածությունը։ Իրանի հետ կնքված միջուկային համաձայնագիրը դիվանագիտության հաջող օրինակ էր, սակայն Միացյալ Նահանգները խափանեց գործարքը, իսկ Եվրոպան էլ չկարողացավ պաշտպանել այն»։
Հիշեցնենք, որ ԱՄՆ-ն 2018 թ, մայիսի 8-ին միակողմանիորեն հայտարարեց Համատեղ գործողությունների համապարփակ ծրագրից Վաշինգտոնի դուրս գալու և հակաիրանական պատժամիջոցները վերականգնելու մասին։
Եվրոպական երկրները ևս ոչ մի արդյունավետ ու բավարար քայլ չեն արել ՀԳՀԾ-ով նախատեսված պարտավորությունների շրջանակում Իրանի շահերը պաշտպանելու համար։
