ԵՄ-ը ընդգծում է ՀԳՀԾ-ն պահպանելու անհրաժեշտությունը
«Մենք բոլորս հավաքական պարտականություն ունենք պահպանել Իրանի միջուկային համաձայնագիրը», հայտարարել է ԵՄ արտաքին քաղաքականության հանձնակատարի տեղակալը:
Երեքշաբթի օրը, Հելգա Շմիդտը թվիթերյան իր միկրոբլոգում գրել է, որ գտնվում է Վիեննայում և նախապատրաստվում է ՀԳՀԾ-ի համատեղ հանձնաժողովի 2020թ. առաջին նիստին:
Նա նշել է, որ հանդիպման նպատակը համաձայնագրի գործադրման նկատմամբ վերահսկողությունը շարունակելն է:
ՀԳՀԾ-ի համատեղ հանձնաժողովի 15-րդ նիստը տեղի կունենա այսօր՝ Իրանի փոխնախարարների և քաղաքական տնօրենների մակարդակով, 4+1 խմբի անդամ երկրների ներկայացուցիչների ներկայությամբ, և Հելգա Շմիդտի նախագահությամբ:
Իրանի ԱԳՆ խոսնակ Սեյեդ Աբբաս Մուսավին այսօր ևս մեկ անգամ հայտարարել է, որ այսօրվա հանդիպումը «ՀԳՀԾ-ի համատեղ հանձնաժողովի հերթական նիստն է, որը տեղի է ունենալու փոխնախարարների և քաղաքական ղեկավարների մակարդակով»:
Մուսավին ընդգծել է, որ այս նիստը որևէ առնչություն չունի վեճերի լուծման մեխանիզմի հետ և հանդիսանում է համատեղ հանձնաժողովի հերթական նիստ, որը անցա է կացվում ամեն երեք ամիսը մեկ անգամ:
