Լավրովը նշել է, որ պատժամիջոցների պայմաններում, Ռուսաստանն ինքնաբավ է դարձել
Անդրադառնալով պատժամիջոցների պայմաններում Ռուսաստանի ինքնաբավությանն ու հնարավորություններին, այդ երկրի ԱԳ նախարարն ասել է, որ Մոսկվան մտադիր չէ Եվրամիությունից խնդրել վերացնել պատժամիջոցները:
Երեքշաբթի օրը կայացած տեսակոնֆերանսում, Լավրովը հայտարարել է. «Մենք բազմիցս հայտարարել ենք, որ չենք քննարկելու պատժամիջոցները: Եթե ԵՄ-ն որոշի որ այդ քաղաքականությունն անարդյունավետ է ու վերանայի 2014թ Ռուսատսանի վերաբերյալ ընդունված որոշումը, մենք պատրաստ կլինենք համագործակցության ու փոխադարձ քայլերի համար»:
Եվրամիությունը 2014-ին Ռուսաստանի դեմ պատժամիջոցների երեք փաթեթ կիրառեց ՝ կապված Ուկրաինայում տեղի ունեցած իրադարձությունների և Ղրիմի թերակղզին Ռուսաստանին կցելու վերաբերյալ հանրաքվեի հետ:
Հանդիպման մեկ այլ հատվածում Ռուսաստանի արտգործնախարարը քննադատել է արևմտյան երկրների քաղաքականությունը, նշելով, որ կորոնավիրուսի ճգնաժամի պայմաններում, երկրները պետք է խուսափեն խնդիրրները լուծելու հարցում միակողմանի ու միայն իրենց շահերից բխող քայլերից:
