Չինաստան. Կորնավիրուսի տարածման աղբյուրի վերաբերյալ Պոմպեոյի հայտարարությունը բլեֆ է
Չինական Global Times թերթն իր խմբագրականում կտրուկ քննադատել է ԱՄՆ պետքարտուղարին՝ Չինաստանի դեմ անհիմն մեղադրանքներ ուղղելու համար:
ԻՍՆԱ լրատվական գործակալության հաղորդման համաձայն, թերթը գրել է. «Մայք Պոմպոն ավելի լավ կլինի իր «փաստաթղթերը» ներկայացնի աշխարհին և ԱՄՆ-ի հասարակությանը»:
Ավելի վաղ, ԱՄՆ պետքարտուղարը հայտարարել էր, թե առկա են բազմաթիվ փաստեր, որոնք ապացուցում են, որ կորոնավիրուսի տարածման աղբյուրը Չինաստանում բարձր անվտանգության պայմաններում գործող լաբորատորիան է:
Global Times-ն այս կապակցությամբ գրել է. «Իրականությունն այն է, որ Պոմպեոն չունի որևէ ապացույց և նրա հայտարարությունը սովորական բլեֆ է»:
Ըստ չինական թերթի, քանի որ ԱՄՆ-ում ընթանում է նախընտրկան քարոզարշավ, Թրամփի վարչակազմը փորձում է հանրության ուշադրությունը շեղել կորոնավիրուսի դեմ պայքարում թույլ տրված թերացումներից և այդ նպատակով, մեղադրանքներ է ուղղում Չինաստանի դեմ:
