ԱՄՆ-ի դատարանը որոշում է կայացրել Վենեսուելայի նավթային ակտիվների բռնագանձման վերաբերյալ
ԱՄՆ-ի դատավորը որոշում է կայացրել վաճառել այդ երկրում գտնվող վենեսուելական Սիտգո նավթավերամշակման ընկերության գործարանները և գույքը:
Դելավեր քաղաքի դատավոր Լեոնարդ Պ. Ստարկը հրամանագիր է ստորագրել, որով թույլատրվում է վաճառել Միացյալ Նահանգներում տեղակայված վենեսուելական Սիտգո նավթավերամշակման ընկերության գործարանները և գույքը:
Դատարանի որոշման համաձայն, կանադական Crystallex ոսկի արդյունահանող ընկերությունը կարող է փոխհատուցում պահանջել Վենեսուելայում նախկին նախագահ Ուգո Չավեսի օրորք իր կրած 1,4 միլիարդ դոլարի վնասի համար:
1980-ականներից ի վեր Վենեսուելայի կառավարությունը վերահսկում է Սիտգո ընկերության աշխատանքը, որն ունի երեք նավթավերամշակման գործարան ՝ Լուիզիանայում, Տեխասում և Իլինոյսում, ինչպես նաև խողովակաշարերի ցանց, որն անցնում է ԱՄՆ 23 նահանգներով և ապահովում այդ երկրում սպառվող բենզինի հինգից 10 տոկոսը:
Միացյալ Նահանգները և նրա դաշնակիցները փորձում են տապալել Վենեսուելայի նախագահ Նիկոլաս Մադուրոյի օրինական կառավարությունը, որն ունի հակաամերիկյան ուղղվածություն:
