Ջոզեֆ Բորել. ԱՄՆ-ի ղեկավարած համակարգը փլուզվում է
Եվրամիության արտաքին քաղաքականության ղեկավարը կոչ է արել ռազմավարական մոտեցում ցուցաբերել Չինաստանի նկատմամբ, հավելելով, որ մոտենում է ԱՄՆ ղեկավարած համակարգի ավարտը:
Երկուշաբթի օրը, ԵՄ արտաքին քաղաքականության պատասխանատու Ջոզեֆ Բորելը հայտարարել է, որ կորոնավիրուսի բռնկումը կարող է դիտվել որպես շրջադարձային պահ ՝ ուժի հավասարակշռությունն արևմուտքից արևելք փոխելու համար:
«Ուժի հավասարակշռության այս փոփոխության պայմաններում Եվրամիությունը պետք է հետապնդի իր շահերը և խուսափի կողմերի համար գործիքի վերածվելուց», - ասել է նա, հավելելով. «Եվրամիության վրա գործադրվող ճնշումը՝ կողմերից մեկի կողքին լինելու համար, աճում է»:
«Այն պայմաններում, երբ Չինաստանի հզորությունը օրեցօր աճում է, Բրյուսելի և Պեկինի միջև հարաբերությունները միշտ չէ, որ հիմնված են լինում վստահության, ապաքինման և երկկողմանիության վրա», - ասել է նա:
Բորելը նշել է, որ Միացյալ Նահանգների և Չինաստանի միջև մրցակցությունը մեծ և ծանրակշիռ ազդեցություն կունենա բազմակողմանի համակարգի վրա ինչպես աշխարհում, այնպես էլ միջազգային կազմակերպություններում ու դաշինքներում, այդ թվում՝ ՄԱԿ-ի Անվտանգության խորհրդում, G20- ում, Առողջապահության համաշխարհային կազմակերպությունում:
