Ջորջ Ֆլոյդի մահը բացահայտեց ԱՄՆ-ի ոստիկանության բռնությունները
ԱՄՆ-ում ոստիկանի կողմից սպանված Ջորջ Ֆլոյդի եղբայրն ասել է․ «Իմ եղբոր մահն համաշխարհային հասարակությանն օգնեց տեսնել ԱՄՆ-ի ոստիկանության բռնությունները և միավորվել»։
Ջորջ Ֆլոյդի եղբայրը՝ Ֆիլոնիս Ֆլոյդը, ITV հեռուստաընկերությանը տված հարցազրույցում ասել է․ «Ժամանակի ընթացքում դուք կհասկանաք, որ Ջորջը փոխեց բոլորի կյանքը»:
Ֆիլոնիս Ֆլոյդը հավելել է․-«Այժմ մենք ականատես ենք լինում այնպիսի բողոքի ակցիաների,որոնք աշխարհը երբևէ չի տեսել»:
Իսկ Ֆլոյդի ընտանիքի փաստաբանի խոսքերով. «Ջորջի մահը պատճառ դարձավ, որ բոլորը գիտակցեն ոստիկանության կառույցը վերանայելու անհրաժեշտությունը, և մենք հասկացանք, որ բոլորս արդարության կարիք ունենք»:
ԱՄՆ-ի տարբեր քաղաքներում արդեն երեք շաբաթ բողոքի ցույցեր են ընթանում ոստիկանության ռասիստական պահվածքի դեմ: ԱՄՆ-ի ոստիկանությունը և անվտանգության ուժերը, այդ երկրի նախագահ Դոնալդ Թրամփի հրամանով, ճնշում են ակցիայի մասնակիցներին:
