Վաշինգտոնը մտադիր է կրճատել այդ երկրում հավատարմագրված չինացի դիվանագետների թիվը

ԱՄՆ-ն դիմել է Չինաստանին՝ այդ երկրում հավատարմագրված չինացի դիվանագետների թիվը կրճատելու համար:

Ինչպես հաղորդում է «Վաշինգտոն Թայմս» թերթը, Դոնալդ Թրամփի վարչակազմը  պատրաստվում է Չինաստանից խնդրել զգալիորեն կրճատել Միացյալ Նահանգներ գործուղած իր դիվանագետների թիվը:

Ամերիկյան  թերթը պնդում է, որ չինացի դիվանագետների թիվը կրճատելու ԱՄՆ-ի որոշումը կայացել է այդ երկրում լրտեսական դեպքերն աճելու պատճառով:

ԱՄՆ Հետաքննությունների դաշնային բյուրոյի տնօրեն Քրիստոֆեր Ռեյը օրերս հայտարարել է.«Միջին հաշվով յուրաքանչյուր 10 ժամը մեկ նոր գործ է հարուցվում Չինաստանի հետ կապված»:

Անցած շաբաթ  Հյուսթոնում  Չինաստանի  գլխավոր  հյուպատոսարանը   և Չենդուում ԱՄՆ-ի գլխավոր հյուպատոսարանը փակվելուց հետո, ամերիկացի և չինացի պաշտոնյաները բանակցություններ են վարել դիվանագիտական հավասար մակարդակ ապահովելու կապակցությամբ: 

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio