Չինաստանը նախազգուշացրել է ԱՄՆ-ին՝ Թայվանին զենք վաճառելու կապակցությամբ
Չինաստանի արտաքին գործերի նախարարությունը նախազգուշացրել է, որ ԱՄՆ-ի կողմից Թայվանին զենք վաճառելը խախտում է միասնական Չինաստանի սկզբունքը:
Ուրբաթ օրը Չինաստանի արտգործնախարարությունը հայտարարել է, որ Միացյալ Նահանգները պետք է դադարեցնի զենքի վաճառքը Թայվանին, որպեսզի խուսափի երկկողմ հարաբերությունների վրա ազդելուց:
Չինաստանի արտաքին գործերի նախարարության հայտարարության մեջ ասվում է. «Պեկինը կպահպանի իր սկզբունքները և թույլ չի տա Միացյալ Նահանգներին միջամտել Չինաստանի ներքին գործերին»:
Ավելի վաղ, Չինաստանի Պաշտպանության նախարարության խոսնակ Ուու Քիան հայտնել էր, որ ԱՄՆ-ը Թայվանին 2.22 միլիարդ դոլար արժողությամբ զենք է վաճառում. «Թայվանը Չինաստանի անբաժանելի մասն է, և մեր բանակը դեմ է ԱՄՆ-ի այդ քայլին»:
Չինաստանի կառավարությունը բազմիցս նախազգուշացրել է Միացյալ Նահանգներին Թայվանի կղզուն զենք վաճառելու կապակցությամբ, ասելով, որ Պեկինը չի հանդուրժի Թայվանի զենքի վաճառքը որևէ երկրի, այդ թվում ՝ ԱՄՆ-ի կողմից, և դա համարում է «միասնական Չինաստան» սկզբունքին հակասող քայլ:
Պեկինը Թայվանը համարում է Չինաստանի անբաժանելի մասը:
