Մադուրո.«Աշխարհը պետք է դիմակայի ԱՄՆ-ի հեգեմոնիային»

Վենեսուելայի նախագահը համաշխարհային հանրությանը կոչ է արել պայքարել ԱՄՆ-ի հեգեմոնիայի դեմ:

Վենեսուելայի նախագահ Նիկոլաս Մադուրոն ՄԱԿ-ի Գլխավոր Ասամբլեայի 75-րդ նստաշրջանում ունեցած ելույթում բոլոր երկրներին կոչ  է արել դիմակայել ԱՄՆ-ի միակողմանի քայլերին:

Քննադատելով ԱՄՆ-ին, Մադուրոն ընդգծել է կորոնավիրուսի դեմ պայքարում միավորվելու անհրաժեշտությունը:

Դատապարտելով Առողջապահության համաշխարհային կազմակերպության դեմ ուղղված ԱՄՆ-ի քայլերը, Վենեսուելայի նախագահն ասել է.«Վենեսուելան կողմնակից է բազմաբևեռ աշխարհի  և ՄԱԿ-ի նոր համակարգի, որը գիտի ինչպես իրագործել միջազգային իրավունքը և պաշտպանել համաշխարհային հանրությանը»:

Նիկոլաս Մադուրոյի խոսքերով, այժմ ոչ թե ԱՀԿ-ին անարգելու և սպառնալու,  այլ միավորվելու ժամանակն է:

Հայերեն ռադիոալիքին հետևեք սոցցանցերում.

https://www.instagram.com/parstodayarmenian/

https://twitter.com/radio_armenian

https://www.reddit.com/user/armradio/

https://urmedium.com/c/armenianradio