Չնայած կորոնավիրուսի պանդեմիային, Թրամփը պատրաստվում է ամեն օր նախընտրական հանրահավաքներ անցկացնել
Չնայած կորոնավիրուսի հետ կապված զգուշացումներին, ԱՄՆ նախագահը մինչև ընտրությունները մտադիր Է ամեն օր հանրահավաքներ անցկացնել իր արշավի շրջանակում:
Axios լրատվական պորտալը հոկտեմբերի 11-ին հայտնել է.«Չնայած կորոնավիրուսի հետ կապված զգուշացումներին, ԱՄՆ-ի նախագահ Դոնալդ Թրամփը մտադիր Է ընդհուպ մինչև ընտրությունների օրը, 2020 թվականի նոյեմբերի 3-ը, ամեն օր հանրահավաքներ անցկացնել իր նախընտրական արշավի շրջանակում:
Պորտալի տվյալներով ԱՄՆ նախագահի նախընտրական շտաբը գրաֆիկը կազմում Է՝ ելնելով պետության ղեկավարի այդ ցանկությունից, սակայն բոլորը չԷ, որ պաշտպանում են այդ գաղափարը: «Նա պատրաստվում Է սպանել իրեն»,- Axios-ին հայտարարել են Թրամփի խորհրդականներից երկուսը,որոնք չեն ցանկացել ներկայանալ:
Թրամփը պատրաստվում է այն պայմաններում նախընտրական հանրահավաքներ անցկացնել,երբ մի քանի կարևոր նահանգներում այդ թվում ՝ Միչիգանում, Փենսիլվանիայում, Նեվադայում և Վիսկոնսինում անցկացված հարցումների արդյունքում պարզվում է,որ նրա դեմոկրատ մրցակից Ջո Բայդերնը 12 կետով առաջ է անցել նրանից:
Հոկտեմբերի 2-ին Թրամփի մոտ կորոնավիրուս հայտնաբերեցին,որից հետո նա տեղափոխվեց հիվանդանոց: Հոկտեմբերի 5-ին դուրս գրվեց հիվանդանոցից և վերադարձավ Սպիտակ Տուն:
