ԱՄՆ քաղաքացիներ. «Մեր երկիրը սխալ ուղղությամբ է շարժվում»
ԱՄՆ քաղաքացիների մեծ մասը համոզված է, որ այդ երկիրը շարժվում է սխալ ուղղությամբ: Դա են վկայում օրերս ԱՄՆ-ում անցկացված սոցհարցման արդյունքները:
Associated Press լրատվական գործակալության և և NORC հանրային կապերի հետազոտության կենտրոնի կողմից անցկացված համատեղ հարցման արդյունքները ցույց են տալիս, որ ամերիկացիների 75 տոկոսը կարծում է, որ ԱՄՆ-ի հասարակության մեջ կա պառակտում և տարաձայնություն հիմնական արժեքների վերաբերյալ:
Ամերիկացիների ընդամենը 15 տոկոսն է հավատում ԱՄՆ-ի ժողովրդավարությանը, իսկ երեք չորրորդը կարծում է, որ երկիրը շարժվում է սխալ ուղղությամբ:
2020 թվականի մայիսի 25-ից ի վեր ԱՄՆ տարբեր քաղաքներում հակառասիստական ցույցեր են ընթանում սպիտակամորթ ոստիկանի կողմից աֆրոամերիկացի Ջորջ Ֆլոյդի սպանության և այդ երկրի ոստիկանության ռասիստական վարքագծի ու ամերիկյան հասարակության մեջ հիմնավորված անհավասարության դեմ:
ԱՄՆ-ի ոստիկանի հանցագործությունը զայրացրել է այդ երկրի ժողովրդին: ԱՄՆ-ի ոստիկանությունն ու անվտանգության ուժերը Թրամփի հրամանով ճնշում են բողոքարարներին:
