Փարիզի հայ ցուցարարները Ֆրանսիայից պահանջում են ճանաչել Լեռնային Ղարաբաղի անկախությունը

Ֆրանսիահայերը մայրաքաղաք Փարիզում Սենա գետի երկայնքով խաղաղ բողոքի ցույց են անցկացրել: Փարիզի կենտրոնում կազմակերպված ակցիայի մասնակիցները պահանջել են դատապարտել Լեռնային Ղարաբաղի ժողովրդի դեմ Ադրբեջանի իրականացրած ագրեսիան:

Ֆրանսահայերը նաև կոչ են արել դադարեցնել Լեռնային Ղարաբաղում Թուրքիայի կողմից հրահրվող պատերազմը և ճանաչել Լեռնային Ղարաբաղի անկախությունը:

Բողոքի ցույցեր են տեղի ունեցել Փարիզում Ադրբեջանի և Թուրքիայի դեսպանատների մոտ, ինչպես նաև խորհրդարանի շենքի դիմաց և այլ քաղաքներում: