Քննարկվում է Թուրքիայի դեմ ԵՄ նոր պատժամիջոցների կիրառման հարցը
Գերմանիայի արտգործնախարարը հայտարարել է, որ ԵՄ հաջորդ գագաթնաժողովում կքննարկվի Թուրքիայի դեմ նոր պատժամիջոցների կիրառման հարցը:
Սպուտնիկի փոխանցմամբ ՝ հինգշաբթի օրը Գերմանիայի արտաքին գործերի նախարար Հեյկո Մաասը հայտարարել է, որ ԵՄ առաջնորդները 2020 – ի դեկտեմբերին կայանալիք գագաթնաժողովում կարող են քննարկել Թուրքիայի դեմ նոր պատժամիջոցներ կիռառելու հարցը՝ կապված Միջերկրական ծովի արևելքում Անկարայի գործողությունների հետ:
Միջերկրական ծովի արևելյան հատվածում լարվածությունը սրվել է տարածաշրջանում հորատման և էներգիայի հետ կապված որոնողական աշխատանքներ սկսելու Թուրքիայի ջանքերի շուրջ:
Հունաստանը, Ֆրանսիան և եվրոպական որոշ երկրներ պնդում են, որ Թուրքիայի գործողություններն անօրինական են և սադրիչ, և նախազգուշացրել են Անկարային դրա հետևանքների մասին:
