Բայդենը ընդունում է, որ ԱՄՆ-ի աշխատաշուկան կրիտիկական վիճակում է

ԱՄՆ-ի նորընտիր նախագահը կրիտիկական է անվանել այդ երկրի աշխատաշուկայի իրավիճակը:

Ուրբաթ  օրը տարածած հաղորդագրությամբ, պատասխանելով աշխատաշուկայի վերաբերյալ զեկույցին Ջո Բայդենը հայտարարել է, որ  ԱՄՆ-ի տնտեսությունը կանգ է առել:

Բայդենը հավելել է, որ ԱՄՆ աշխատաշուկայի զեկույցը հաստատում է, որ այդ  երկիրը պատմության մեջ ամենավատ տնտեսական և զբաղվածության ճգնաժամերից մեկի մեջ է հայտնվել և հավանական է, որ  ամերիկացիներին տրամադրվող կորոնավիրուսային աջակցության փաթեթները կրրճատվեն: 

Համաձայն ԱՄՆ աշխատաշուկայի վերջին զեկույցի, հակառակ նոյեմբերին կանխատեսված 440 հազար աշխատատեղերի բացվելուն, դրանց թիվը կազմել է ընդհամենը 245 հազար, ինչը կտրուկ նվազել է հոկտեմբեր ամսվա 610 հազար աշխատատեղերի վիճակագրության համեմատ: