Ռուսաստան-Բայդեն հակամարտության սկիզբը
Ի պատասխան ԱՄՆ նորընտիր նախագահ Ջո Բայդենի հայտարարության, Ռուսաստանի պաշտոնյաները վերջինիս անվանել են ռուսաֆոբ:
Ռուսաստանի փոխարտգործնախարար Սերգեյ Ռյաբկովն «Ինտերֆաքս» -ին ասել է, որ Մոսկվան ոչ մի դրական նշան չի ակնկալում ԱՄՆ նորընտիր նախագահ Ջո Բայդենից, քանի որ ԱՄՆ նախկին շատ նախագահների աշխատանքի հիմքում ընկած է եղել ռուսաֆոբիան:
Ռյաբկովն ընդգծել է, որ Ռուսաստանը պետք է վարի ԱՄՆ-ին զսպելու քաղաքականություն և հերքել է այն լուրերը, թե Մոսկվան սկսել է կապ հաստատել Բայդենի անցումային թիմի հետ:
Կրեմլի խոսնակ Դմիտրի Պեսկովը հայտարարել է, որ ԱՄՆ-ՌԴ հարաբերությունների կարգավորման վերաբերյալ Բայդենի կողմից որևէ դրական քայլի նշան չկա:
Ռուսաստանի արտգործնախարար Սերգեյ Լավրովը չորեքշաբթի օրը անդրադարձել է ռուսական և չինական ընկերությունների դեմ ԱՄՆ-ի վերջին քայլերին, նշելով, որ դա վկայում է ԱՄՆ-ի թշնամական քաղաքականության մասին և որ Ռուսատսանը պատասխան քայլի է դիմելու:
Ռուսաստանի Դաշնության նախագահ Վլադիմիր Պուտինն ավելի վաղ հայտարարել էր, որ ԱՄՆ-ում նախագահի փոփոխությունը չի նպաստելու խաղաղության հաստատմանը և լարվածության կարգավորմանը:
ԱՄՆ-ի տարբեր կառույցների դեմ վերջին կիբերհարձակումներում Ռուսաստանի ենթադրյալ դերակատարության մասին հայտարարությունների ֆոնին, Ջո Բայդենը խոստացել է քննարկել Մոսկվայի նկատմամբ հնարավոր բոլոր տարբերակները, ներառյալ՝ պատժամիջոցները և համարժեք կիբեր հարձակումները:
