Թրամփը կրկնել է ԱՄՆ նախագահական վերջին ընտրություններում կեղծիքների մասին մեղադրանքները
ԱՄՆ նախագահը Թվիթերում արած գրառման մեջ նշել է, որ նախագահական ընտրություններում կեղծիքների մասին ապացույցներ ունի, բայց ԱՄՆ Գերագույն դատարանը հրաժարվել է հետաքննել այդ գործը:
Թրամփը պնդում է, որ Գերագույն դատարանը թույլ և անարդյունավետ է գործել համատարած կեղծիքի հարցով, որն ըստ նրա առկա է եղել 2020 թ. նոյեմբերի 3-ին կայացած նախագահական ընտրություններում:
Ավելի վաղ ԱՄՆ նախագահը Թվիթերի իր միկրոբլոգում գրել էր, որ ընտրակեղծիքները ոչ թե դավադրության տեսություն են, այլ փաստ:
Չնայած 2020-ի նոյեմբերի 3-ին կայացած նախագահական ընտրությունների արդյունքների հաստատմանը և Ջո Բայդենի հաղթանակի հաստատմանը, Թրամփը շարունակում է պնդել կեղծիքների մասին մեղադրանքները: Միևնույն ժամանակ, իշխանությունն ընտրված կառավարությանը փոխանցելու գործընթացը սկսվել է շատ վաղուց, և նախագահի երդմնակալության արարողությունը նախատեսված է 2021 թվականի հունվարի 20-ին:
