Զախարովա. ԱՄՆ ընտրական համակարգը քայքայված է
Ռուսաստանի արտաքին գործերի նախարարության խոսնակը նշել է, որ Վաշինգտոնում տեղի ունեցած ապստամբությունը և սոցիալական պառակտումը ԱՄՆ-ի ներքին հարցերն են, հավելելով. որ ԱՄՆ-ի ընտրական համակարգը քայքայված է և չի համապատասխանում ժողովրդավարական չափանիշներին:
Մարիա Զախարովան հայտարարել է, որ Մոսկվայի պաշտոնյաները Վաշինգտոնում հունվարի 6-ին տեղի ունեցած իրադարձությունները համարում են Միացյալ Նահանգների ներքին հարցը և մաղթում, որ ամերիկացի ժողովուրդը խաղաղությամբ և արժանապատվորեն անցկացնի իր երկրի պատմության տխուր պահերը:
Նա իր ֆեյսբուքյան էջում գրել է .«ԱՄՆ-ն այլևս չի կարողանա աշխարհին ասել, որ ժողովրդավարության մոդել է»:
Չորեքշաբթի երեկոյան, երբ ընթանում էր Ջո Բայդենի հաղթանակը հաստատելու Կոնգրեսի ու Սենատի համատեղ նիստը, Կապիտոլիումի դիմաց հավաքված Թրամփի մի շարք կողմնակիցներ ներխուժեցին Կոնգրեսի շենք:
Չնայած Միացյալ Նահանգներում տիրող քաոսին, Կոնգրեսը հաստատեց Ջո Բայդենի հաղթանակը 2020 թվականի նոյեմբերի 3-ին կայացած ԱՄՆ ընտրություններում:
