Ամերիկյան պաշտոնյաները նոռուզյան շնորհավորական ուղերձներ են հղել, միևնույն ժամանակ շարունակելով պատժամիջոցները
Շարունակելով պատժամիջոցները որպես գործիք կիրառել՝ ԱՄՆ-ի հեգեմոնիան պահպանելու համար, ամերիկյան պաշտոնյաները նոռուզյան շնորհավորական ուղերձներ են հղել:
ԻՌՆԱ-ի հաղորդման համաձայն, ԱՄՆ նախագահ Ջո Բայդենը շաբաթ օրը հաղորդագրություն է տարածել՝ շնորհավորելով Նոռուզը նշող Իրանի և այլ երկրների ժողովուրդներին:
Շաբաթ օրը տարածած տեսաուղերձում, ԱՄՆ պետքարտուղար Էնթոնի Բլինքենը նույնպես շնորհավորել է Իրանի, Արևմտյան Ասիայի, Եվրոպայի, Կովկասի, Կենտրոնական Ասիայի, Հարավային Ամերիկայի, Ամերիկայի և ամբողջ աշխարհի այն ժողովուրդներին, որոնք նշում են Նոռուզը:
Իրանի հարցով ԱՄՆ-ի հատուկ ներկայացուցիչ Ռոբերթ Մալին նույնպես առանձին ուղերձով շնորհավորել է Նոռուզը:
Ամերիկյան պաշտոնյաները հաճախ են Նոռուզի կապակցությամբ շնորհավորական ուղերձներ հղում, հատկապես իրանցիներին, սակայն միևնույն ժամանակ, խստագույն պատժամիջոցներ են կիրառում այդ ժողովրդի նկատմամբ, որոնք ճնշում են նրանց:
