Ալիևն ու Էրդողանը հեռախոսազրույց են ունեցել
Ադրբեջանի և Թուրքիայի նախագահները դատապարտել են ԱՄՆ-ի կողմից Հայոց Ցեղասպանության ճանաչումը:
Բաքվից Իրանի ռադիոհեռուստատեսության լրատվական գործակալության հաղորդման համաձայն, Թուրքիայի նախագահի հետ հեռախոսազրույցում, Ադրբեջանի նախագահ Իլհամ Ալիևը դատապարտել է ԱՄՆ-ի կողմից Հայոց Ցեղասպանության պաշտոնապես ճանաչումը և դա պատմական սխալ քայլ է բնութագրել:
Ալիևը նշել է, որ ԱՄՆ-ի այս նոր դիրքորոշումը վնասելու է տարածաշրջանում նոր համագործակցությունների ընթացքին և Բաքուն անընդունելի է համարում այդ հայտարարությունը:
Ադրբեջանի նախագահը նշել է, որ Բաքուն միշտ կանգնած է Թուրքիայի կողքին:
Էրդողանն Ալիևին շնորհակալություն է հայտնել աջակցության համար, նշելով, որ Թուրքիան միշտ Ադրբեջանի կողքին է եղել:
Հեռախոսազրույցում, Ադրբեջանի և Թուրքիայի նախագահները դատապարտել են ԱՄՆ-ի կողմից Հայոց Ցեղասպանության ճանաչումը և այդ քայլը քաղաքական ճնշում են բնութագրել:
Ապրիլի 24-ին, ԱՄՆ նախագահը ճանաչեց Օսմանյան կայսրության օրոք իրականացված Հայոց ցեղասպանությունը:
Թուրքիան պնդում է, որ քսաներորդ դարի սկզբին իրականացված հայերի ջարդերը ցեղասպանություն չեն եղել, այլ Օսմանյան կառավարության թշնամիների դրդմամբ, կայսրության դեմ հայերի ընդվզման արդյունք:
