Թուրքիան չի փոխել S-400 համակարգը գնելու որոշումը

Թուրքիայի արտգործնախարարը հայտարարել է, որ ռուսական S-400 համակարգը գնելու որոշումը չեղարկելու ԱՄՆ-ի պահանջն անընդունելի է:

Sputnik– ի փոխանցմամբ ՝ 2017-ին Թուրքիան Ռուսաստանից գնեց մի քանի S-400 հակահրթիռային պաշտպանության համակարգ, ինչից հետո  ԱՄՆ-ն դադարեցրեց հինգերորդ սերնդի F-35 կործանիչների առաքումն Անկարա:

Վաշինգտոնը հայտարարել է, որ ռուսական հակահրթիռային պաշտպանության համակարգերը վտանգ են ներկայացնում F-35 կործանիչների համար:

Թուրքիայի արտգործնախարար Մևլութ Չավուշօղլուն հայտարարել է:«Մենք վերահսկելու ենք ՌԴ հակահրթիռային պաշտպանության այս համակարգերը, և մեր մասնագետները վերապատրաստվում են դրանք կիրառելու  համար»:

Ավելի վաղ ԱՄՆ կառավարությունը պատժամիջոցներ էր սահմանել Թուրքիայի պաշտպանական արդյունաբերության ոլորտի նկատմամբ՝ S-400 համակարգը գնելու որոշման պատճառով:

Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կշարունակի օգտագործել ռուսական հակահրթիռային պաշտպանության համակարգերը: