Թուրքիայի և ԱՄՆ-ի պաշտպանության նախարարները հեռախոսազրույց են ունեցել
Թուրքիայի և ԱՄՆ-ի պաշտպանության նախարարները հեռախոսազրույց են ունեցել տարածաշրջանային խնդիրների, Աֆղանստանի, երկկողմ հարաբերությունների և անվտանգության հարցերի շուրջ:
Թուրքիայի պաշտպանության նախարարությունը դրական և կառուցողական է համարել Թուրքիայի պաշտպանության նախարա Հուլուսի Աքարի և Լլոյդ Օսթինի հեռախոսազրույցը:
Հեռախոսազրույցի ընթացքում քննարկվել են Թուրքիա-ԱՄՆ հարաբերությունները և Աֆղանստանում դիվանագիտական առաքելությունների ներկայությունը:
ԱՄՆ-ը պնդում է, որ S-400 համակարգը վտանգ է ներկայացնում հինգերորդ սերնդի F-35 կործանիչի համար:
Երկու երկրների միջև տարաձայնության թեմա է նաև Թուրքիայի ներգրավումը Լեռնային Ղարաբաղում, Միջերկրական ծովում Թուրքիայի կողմից նավթի ու գազի շարունակական որոնումները և Սիրիայում Թուրքիայի անօրինական ներկայությունը Քրդստանի աշխատավորական կուսակցության (PKK) դեմ պայքարի պատրվակով:
