Ռուսաստան. Բրիտանիայի հակառուսական պատժամիջոցներն անօրինական են
Ռուսաստանի ԱԳՆ խոսնակը, այդ երկրի կառավարության գլխավոր քննադատ Ալեքսեյ Նավալնիին թունավորելու համար քիմիական զենքի կիրառման պատրվակով Բրիտանիայի կողմից սահմանված հակառուսական նոր պատժամիջոցները անօրինական է անվանել:
Վկայակոչելով Բրիտանիայի արտգործնախարար Դոմինիկ Ռոբի հայտարարությունը , Ռուսաստանի Անվտանգության դաշնային ծառայության գործակալների նկատմամբ պատժամիջոցներ կիրառելու վերաբերյալ, Մարիա Զախարովան շաբաթ օրը թելեգրաում գրել է.«Լոնդոնը պետք է պատժամիջոցներ կիրառեր Վաշինգտոնի նկատմամբ՝ Քիմիական զենքի մասին կոնվենցիայի կիրառումից հրաժարվելու և քիմիական զենքի զինանոցը ոչնչացնելու պարտավորությունը խախտելու համար»:
Ռուսաստանի ընդդիմության առաջնորդ Ալեքսեյ Նավալնիին թունավորելու համար քիմիական զենքի կիրառման հետ կապված գործով Բրիտանիան ուրբաթ օրը պատժամիջոցներ է սահմանել Ռուսաստանի յոթ քաղաքացիների նկատմամբ:
Բրիտանիայի արտաքին գործերի նախարարության կայքում հրապարակվել է Ռուսաստանի յոթ քաղաքացիների անունների ցուցակը, որոնք Ռուսաստանի Անվտանգության դաշնային ծառայության գործակալներ են:
Ռուսաստանը բազմիցս ԱՄՆ -ին կոչ է արել, որպես աշխարհի ամենամեծ քիմիական զինանոցն ունեցող երկիր՝ ոչնչացնել իր քիմիական զենքերը:
