Էրդողանի տարածաշրջանային հավակնությունները
Թուրքիայի նախագահը շարունակելով իր հավակնոտ հայտարարություններն ասել է. «Ով ցանկանում է գործողություններ ձեռնարկել տարածաշրջանում, պետք է թույլտվություն ստանա Թուրքիայից»:
Ռուսիա- Ալ-յոմ կայքի տեղեկացմամբ, Բայրաքթար հարձակողական ԱԹՍ-ի՝ Թուրքիայի ԶՈՒ-երին շահագործման հանձնման արարողության ժամանակ, Թուրքիայի նախագահ Ռեջեփ Թայիփ Էրդողանն ասել է.«Անկարայի ներկայիս նպատակը անօդաչու թռչող սարքերի մշակումն է, որոնք կարող են թռչել և վայրէջք կատարել կարճ հեռավորության վրա գտնվող ավիակիրների վրա»:
Նա նշել է, որ «Ախենջի» (Օսմանյան բանակի ուժերի անուն) գրոհային անօդաչու թռչող սարքերով Թուրքիան դարձել է աշխարհի երեք երկրներից մեկը, որ նման տեխնոլոգիա ունի: Էրդողանն այն պայմաններում է ռազմական ու քաղաքական նման ամբիցիաներ դրսևորել, երբ նրան խիստ ընդդիմանում են քաղաքական գործիչներն ու խմբավորումները:
