Թունիսցիները ցույց են անցկացրել ի նշան բողոքի ամերիկյան պատվիրակության այցի դեմ
Ամերիկյան պատվիրակության Թունիս կատարած այցին զուգահեռ, այդ երկրի մի խումբ քաղաքացիներ բողոքել են իրենց երկրում ԱՄՆ-ի միջամտությունների դեմ:
ԱՄՆ Կոնգրեսի պատվիրակությունը շաբաթ օրը Քարթաջի նախագահական պալատում հանդիպել է Թունիսի նախագահ Ղեյիս Սաիդի հետ:
Մինչ Թունիսի նախագահի հետ հանդիպումը, ԱՄՆ-ի պատվիրակությունը հանդիպել է Ալ-Նեհզա շարժման, «Թունիսի սիրտ», «Կեցցե Թունիսը» և «Ազգային դաշինք» կուսակցությունների ներկայացուցիչների հետ:
Ամերիկյան պատվիրակության այցի դեմ ցույցի մասնակիցները կրել են պաստառներ, որոնց վրա գրված է եղել.«Ազգային ինքնիշխանություն, ոչ թե արտաքին ուժերի հպատակություն», «Բարի չես եկել ամերիկյան պատվիրակություն» , «Ուժը ժողովրդին է պատկանում»:
Բողոքի ակցիայի կազմակերպիչները նշել են, որ դեմ են արտաքին միջամտություններին, հատկապես ԱՄՆ -ի միջամտությանը Թունիսի ներքին գործերին: