ՀԱՊԿ-ը պատրաստ է դիմակայել Աֆղանստանում իրադարձությունների զարգացման ցանկացած իրավիճակին
Հավաքական անվտանգության պայմանագրի կազմակերպության (ՀԱՊԿ) միացյալ շտաբի ղեկավարը նշել է, որ կազմակերպությունը պատրաստ է դիմակայել Աֆղանստանում իրադարձությունների զարգացման ցանկացած իրավիճակին:
Ինչպես հաղորդում է ԻՌՆԱ լրատվական գործակալությունը, ՀԱՊԿ-ի միացյալ շտաբի ղեկավար Անատոլի Սիդորովը սեպտեմբերի 9-ին Ղրղզստանում անցկացված կազմակերպության արագ արձագանքման ուժերի զորավարժությունների ավարտին հայտարարել է.«Կազմակերպությունը պատրաստվում է դիմակայել Աֆղանստանում իրադարձությունների զարգացման ցանկացած իրավիճակին»:
ՀԱՊԿ-ի միացյալ շտաբի ղեկավարն անդրադարձել է Ռուսաստանում և Տաջիկստանում զորավարժությունների անցկացմանը՝ ահաբեկչության սպառնալիքներին դիմակայելու նպատակով ուժեր պատրաստելու համար:
Օգոստոսի 15-ին <Թալիբան> խմբավորումը մտավ Քաբուլ և Աֆղանստանում Աշրաֆ Ղանիի կառավարությունը տապալվեց: Վերլուծաբանները Քաբուլում թալիբների իշխանության հաստատումը համարում են ԱՄՆ-ի և արևմտյան այլ երկրների 20-ամյա օկուպացիայի ավարտը: Նրանք Աֆղանստանը օկուպացրել էին արևմտյան աշխարհի ցանկության համաձայն Աֆղանստանը վերականգնելու պատրվակով:
Կազմակերպության հիմնական նպատակներից է սահմանափակել Հյուսիսատլանտյան դաշինքի (ՆԱՏՕ) և ԱՄՆ -ի ընդլայնումն ու ազդեցությունը տարածաշրջանում:
