Ալիև. Հայաստանը պետք է պատժամիջոցների ենթարկվեր, ինչպես Իրաքը Սադդամի օրոք

Վերջերս, արտասահմանյան լրատվամիջոցներից մեկին տված հարցազրույցում, Ադրբեջանի նախագահն ասել էր, որ Հայաստանը պետք է ենթարկվեր պատժամիջոցների, ինչպես Իրաքը՝ բռնապետ Սադդամ Հուսեյնի օրոք:

Գերմանական ERD հեռուստաալիքին տված հարցազրույցում, Ադրբեջանի  նախագահ Իլհամ Ալիևը խոստովանել է, ղարաբաղյան վերջին պատերազմում ռազմական օգնություն է ստացել Թուրքիայից և օգտագործել Սիոնիստական ​​ռեժիմի արտադրած զենքեր: Նա ասել է. «Հայաստանը պետք է անմիջապես պատժամիջոցների ենթարկվեր, ինչպես Իրաքը, երբ Սադդամ Հուսեյնն օկուպացրեց Քուվեյթը. Եթե ​​նույնը լիներ Հայաստանի հետ, նրանք դուրս կբերեին իրենց ուժերը»։

Նա հավելել է, որ Բաքուն տարիներ շարունակ ունեցել է իսրայելական անօդաչու թռչող սարքեր, որոնց մի մասը օգտագործվել է 2016 թվականին Հայաստանի հետ բախումներում։

Հարցին, թե ո՞վ է սկսել Լեռնային Ղարաբաղի երկրորդ պատերազմը, Ալիևը պատասխանել է, որ  Հայաստանն է սկսել պատերազմը և որ կան դա հաստատող բազմաթիվ ապացույցներ, քանի որ առաջին զոհերը եղել են Ադրբեջանի քաղաքացիական անձինք և զինվորականներ։ 

Չնայած խաղաղության համաձայնագրի ստորագրմանը, կողմերը շարունակում են միմյանց մեղադրել համաձայնագիրը խախտելու մեջ։