Թուրքիան հայտարարել է աշխարհում առաջին լազերային զենքով ԱԹՍ–ի փորձարկման մասին

Լազերային զենքով թուրքական արտադրության Eren անօդաչու սարքը նախատեսված է պայթունավտանգ տարրերի չեզոքացման համար։

Թուրքիան փորձարկել է լազերային զենքով աշխատող` աշխարհում առաջին անօդաչու թռչող սարքը։ Տեղեկությունը հայտնում է «Անադոլու» գործակալությունը։

Աղբյուրի համաձայն՝ թուրքական արտադրության Eren անօդաչու սարքը փորձարկման ժամանակ հաջողված թիրախային կրակոցներ է արձակել 100, 300 և 500 մետր հեռավորությունից։

Eren–ը թուրքական պաշտպանական TUBITAK և Asisguard ընկերությունների մշակումն է։

Արտադրողների տվյալներով՝ սարքը կարող է հեռակա չեզոքացնել պայթյունավտանգ տարրերը լազերային զենքի օգնությամբ:

ԱԹՍ–ի թռիչքի առավելագույն բարձրությունը 3 կիլոմետր է:

Փորձարկումների ավարտից հետո անօդաչու սարքը կմատակարարվի թուրքական բանակին։

armeniasputnik.am