Standard & Poor's -ը նվազեցրել է Թուրքիայի վարկանիշը

Standard & Poor's Crediting Institute-ը նվազեցրել է Թուրքիայի վարկանիշը պարտքի հեռանկարի առումով:

Standard & Poor's-ը Թուրքիայի պարտքային դիրքը «կայունից» իջեցրել է «բացասականի»՝ քաղաքական և տնտեսական իրավիճակի անորոշության պատճառով։

Հաստատությունը մինչ այժմ որոշել է պահպանել Թուրքիայի վարկային վարկանիշը B+ մակարդակում, սակայն չի բացառել միջնաժամկետ հեռանկարում վարկանիշի իջեցման հնարավորությունը։

Standard & Poor's-ի հայտարարության մեջ ասվում է, որ եթե Թուրքիայի տնտեսական քաղաքականության հետևանքով լիրան շարունակի արժեզրկվել, գնաճի տեմպերն աճեն, մեծանա բանկային համակարգի անախորժությունների մեջ հայտնվելու վտանգը և կառավարությունն ավելի մեծ պարտքեր կուտակի, հավանաբար այդ  երկրի վարկային վարկանիշը կնվազեցվի։

Ուրբաթ երեկոյան լիրան կրկին արժեզրկվել է՝ մեկ դոլարի դիմաց հասնելով 14 լիրայի։