ՄԱԿ-ի անտարբերությունը Սիրիայում տիրող իրավիճակի նկատմամբ
ՄԱԿ-ում Սիրիայի ներկայացուցիչը քննադատել է այդ երկրում հումանիտար իրավիճակի, օկուպացիայի ու Սիրիայի ժողովրդի դեմ սահմանված ԱՄՆ պատժամիջոցների աղետալի հետևանքների անտեսումը:
ՍԱՆԱ լրատվական գործակալության հաղորդմամբ՝ ՄԱԿ-ում Սիրիայի մշտական ներկայացուցիչ Բասամ Սաբաղը երկուշաբթի օրն ԱԽ նիստում ասել է.«Կայունության հասնելու համար պետք է ոչնչացնել ահաբեկչական խմբավորումներին, վերջ դնել Թուրքիայի և ԱՄՆ-ի օկուպացիային, և անհապաղ չեղարկել ԱՄՆ-ի ու ԵՄ-ի միակողմանի պատժամիջոցները»:
Սաբաղը հավելել է. «Սիրիայում հումանիտար իրավիճակի հետ կապված բարդությունների ցանկացած օբյեկտիվ գնահատում ցույց կտա, որ այս իրավիճակի հիմնական պատճառը Թուրքիայի օկուպացիան է, այդ երկրի գործողություններն ու ոճրագործությունները և Սիրիայի հյուսիսային ու հյուսիսարևմտյան հատվածներում ահաբեկչական կառույցներին ու խմբերին ցուցաբերվող աջակցությունը»:
Սիրիայի ներկայացուցիչն ասել է.«Սիրիայիում բախումների դադարեցման համար պետք է ոչնչացնել ահաբեկչական խմբավորումներին և նրանց գլխավորող ԻԼԻՊ-ին ու Ալ-Նուսրա Ճակատին, վերջ դնել ԱՄՆ-ի կողմից օկուպացմանը, ընդլայնել կառավարության վերահսկողությունը Սիրիայի ողջ տարածքում և վերականգնել երկրի անվտանգությունն ու կայունությունը»:
