Պեկին. Միացյալ Նահանգները տասնյակ կենսաբանական լաբորատորիաներ ունի Ուկրաինայում
Չինաստանի ԱԳՆ ներկայացուցիչը հայտնել է, որ Ուկրաինայում գործող ԱՄՆ-ի 30 կենսաբանական լաբորատորիաներն ըստ տեղեկությունների, ոչնչացվել են Ռուսաստանի կողմից:
Պեկինը հաստատել է նման հետազոտական օբյեկտների առկայությունը՝ Ուկրաինայում ԱՄՆ-ի ռազմական կենսաբանական լաբորատորիաների առկայության մասին ռուս պաշտոնյաների հայտարարություններից հետո։
RIA Novosti կայքի փոխանցմամբ՝ Չինաստանի ԱԳՆ խոսնակ Չժաո Լիջյանն այսօր Պեկինում կայացած ամենօրյա մամուլի ասուլիսի ժամանակ, պատասխանելով Ուկրաինայում ԱՄՆ-ի կողմից ֆինանսավորվող կենսաբանական լաբորատորիաների գործունեության մասին հարցին, ԱՄՆ-ին կոչ է արել պատասխանել Ուկրաինայում կենսաբանական-ռազմական օբյեկտների վերաբերյալ հարցերին։
Չժաոն ասել է, որ Վաշինգտոնը պետք է ամբողջությամբ բացատրի իր ռազմակենսաբանական գործունեությունը Միացյալ Նահանգներից դուրս, այդ թվում՝ Ուկրաինայի տարածքում:
Չինացի դիվանագետը հավելել է.«Եթե Միացյալ Նահանգները ցանկանում է ապացուցել իր գործունեության անկեղծությունը, ինչո՞ւ չի բացում այդ կենսաբանական լաբորատորիաները միջազգային փորձագետների անկախ հետազոտությունների համար: Ուկրաինայում ռազմական կենսաբանական գործունեությունը մտահոգում է միջազգային հանրությանը»:
