Սկանդալ Թուրքիայում՝ Էրդողանի առաջարկած թանկարժեք ճաշացանկի շուրջ
Տնտեսական ճգնաժամի և աղքատության սրման պայմաններում Թուրքիայի նախագահի առաջարկած Ռամադանի սրբազան ամսվա հատուկ ճաշացանկը բողոքի առիթ է հանդիսացել ժողովրդի և լրատվամիջոցների շրջանում:
Կիրակի օրը, ֆերմերների հետ հանդիպման ժամանակ, Ռեջեբ Թայիբ Էրդողանը խոսել է ռուս-ուկրաինական պատերազմի պատճառով Թուրքիայում սննդամթերքի ապահովման դժվարության մասին և մարդկանց կոչ է արել խնայողություններ անել և համբերատար լինել կենսաապահովման ճգնաժամի պայմաններում։
Հանդիպման ժամանակ Ռամադան ամսվա ընթացքում (մուսուլմանների ծոմապահության ամիս) ֆիզիկական ուժը ամրապնդելու համար, Էրդողանն իր ճաշացանկն է առաջարկել ուրիշներին:
Այդ արտահայտություններից հետո, անդրադառնալով Էրդողանի խորհուրդ տված մթերքի գներին (650 լիրա 4 կիլոգրամի համար) և քաղաքացիների 4000 լիրա կազմող միջին աշխատավարձին, «Սուզջու» թերթը հրապարակել է քաղաքացիների երկար հերթերի վերաբերյալ մի քանի լուսանկարներ և տեսանյութեր՝ էժան հաց և ձեթ գնելու համար։
«Նախագահն այն դեպքում է թանկարգժեք սննդամթերքի խորհուրդ տալիս, երբ մարդիկ ժամերով հերթ են կանգնում որպեսզի կարողանան մեկ լիրա ավելի էժան ու հնացած հաց գնել»,- գրել է թերթը։
«Հայրենիք» (Memleket) կուսակցության առաջնորդ Մուհարեմ Ինջեն ասել է, որ Էրդողանի խոսքերը վկայում են, որ նա շատ մեծ տարածություն ունի ժողովրդից: Դիմելով Թուրքիայի նախագահին, նա ասել է.«Էրդողա՛ն, մարդիկ ժամերով հերթ են կանգնում չոր ու հնացած հացի համար, իսկ դուք նրանց բուժման բանաձև եք ներկայացնում»:
