Լավրովը եւ Վան Ին քննարկել են իրավիճակը Կորեական թերակղզում
Մարտ 30, 2022 08:42 Asia/Tehran
ՌԴ ԱԳ նախարար Սերգեյ Լավրովը եւ նրա չինացի գործընկեր Վան Ին Չինաստանում կայացած հանդիպմանը քննարկել են իրավիճակը Կորեական թերակղզում, հայտնում է ՌԴ դիվանագիտական ծառայությունը, փոխանցում է «ՌԻԱ Նովոստի»-ն:
«Քննարկվել են գլոբալ եւ տարածաշրջանային օրակարգի մի շարք կարեւոր թեմաներ, այդ թվում՝ Աֆղանստանում, Կենտրոնական Ասիայում, Իրանի միջուկային ծրագրի եւ իրավիճակը Կորեական թերակղզում»,- ասվում է նախարարության կայքում։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Լավրովը ժամանել է չինական Տունսի քաղաք, որտեղ մարտի 31-ին տեղի կունենա Աֆղանստանի արտգործնախարարների՝ հարեւան երկրների ֆորմատով հանդիպումը։ Իսկ այսօր օրը նվիրված կլինի օտարերկրյա գործընկերների հետ երկկողմ հանդիպումներին։
news.am
Պիտակ
