Հնդկաստանը կշարունակի նավթ գնել Ռուսաստանից
Հնդկաստանի ֆինանսների նախարարը հայտարարել է, որ Նյու Դելին, իր շահերի ապահոման շրջանակում, կշարունակի գնել ռուսական նավթը:
Հնդկաստանի պետական նավթավերամշակման գործարանները կրկնապատկել են ռուսական նավթի գնումները, որից, Ուկրաինայում պատերազմի մեկնարկից հետո, հրաժարվում են եվրոպացի գնորդները:
ԻՌՆԱ-ն, հղում անելով Bloomberg-ին, հաղորդում է, որ Հնդկաստանի ֆինանսների նախարար Նիրմալա Սիտարամանը, CNBC-ին տված հարցազրույցում, ասել է. «Մենք սկսել ենք գնման գործընթացը: Կարծում եմ մատակարարումը կտևի երեքից չորս օր և այս գործընթացը կշարունակվի»:
Անցյալ շաբաթ Հնդկաստանի նավթի նախարար Հարդիփ Սինգհ Պուրին հայտարարել էր, որ Նյու Դելին Ռուսաստանի հետ պայմանագիր է ստորագրել՝ առաջիկա երեք-չորս ամիսների հում նավթի մատակարման վերաբերյալ:
Ռուսաստանը Հնդկաստանին առաջարկել է նավթը գնել Ուկրաինայում պատերազմի մեկնարկից առաջ սահմանված՝ մեկ բարելի դիմաց 35 դոլարով:
