Մեծ Բրիտանիայի վարչապետը մեղադրվում է ռազմական գաղտնիքներ բացահայտելու մեջ
Լեհաստանի պաշտպանության նախարարի խորհրդականը Մեծ Բրիտանիայի վարչապետին մեղադրել է ռազմական գաղտնիքներ բացահայտելու մեջ։
Նախարարի խորհրդականը հայտարարել է, որ Բորիս Ջոնսոնը մեծ սխալ է թույլ տվել՝ հայտարարելով Ուկրաինայի սահմաններից դուրս ուկրաինական ուժերի վերապատրաստման մասին։
Նա նշել է, որ Մեծ Բրիտանիայի վարչապետի կողմից Լեհաստանում ուկրաինացի զինվորներին վարժեցնելու վերաբերյալ հայտարարությունը չափազանց անպատասխանատու քայլ է և կարող է աղետալի հետևանքներ ունենալ։
Հինգշաբթի օրը Հնդկաստան ժամանելուց հետո, Բորիս Ջոնսոնը հայտարարել էր, որ Լոնդոնը Լեհաստանում և Բրիտանիայում վերապատարստում է ուկրաինացի զինվորներին ՝ հակաօդային պաշտպանության համակարգերի և զրահատեխնիկայի հետ աշխատելու համար:
Ուկրաինայում պատերազմի հենց սկզբից, Բրիտանիան լայնածավալ ռազմական և ֆինանսական օգնություն է ցուցաբերել Կիևին:
