Էրդողանը դարձյալ դեմ է հանդես եկել ՆԱՏՕ-ի ընդլայնմանը
Թուրքիայի նախագահը դարձյալ Շվեդիային և Ֆինլանդիային որպես ահաբեկչության հովանավորներ ներկայացնելով, ընդդիմացել է Հյուսիսատլանտյան դաշինքին այդ երկրների անդամակցությանը:
Թուրքիայի նախագահ Ռեջեբ Թայիբ Էրդողանն Ադրբեջանի Հանրապետությունից վերադարձի ժամանակ պատասխանել է լրագրողների հարցերին։
Անադոլու լրատվական գործակալության հաղորդման համաձայն՝ Թուրքիայի նախագահը, ով Ֆինլանդիային ու Շվեդիային մեղադրում է Քուրդիստանի աշխատավորական կուսակցությանը (PKK) աջակցելու մեջ, լրագրողների հետ ճեպազրույցում կրկնել է իր նախկին դիրքորոշումը՝ ասելով. «Քանի դեռ ես Թուրքիայի նախագահն եմ, մենք չենք կարող ահաբեկչությունը հովանավորող երկրներին թույլ տալ անդամակցել ՆԱՏՕ-ին»:
Էրդողանը հավելել է.«Ի՞նչ ենք անելու, եթե ԱՄՆ-ը չկատարի իր պարտավորությունն ահաբեկչության դեմ պայքարում։ Մենք մեզ կպաշտպանենք։ Մենք ոչ ոքուց և ոչ մի տեղից թույլտվություն չենք ստանա ահաբեկչության դեմ պայքարելու համար»:
Պատասխանելով ռուս-ուկրաինական ճգնաժամի հարցով միջնորդելու կապակցությամբ լրագրողի հարցին, Թուրքիայի նախագահն ասել է.«Ես երկուշաբթի օրը հեռախոսազրույց կունենամ Ռուսաստանի և Ուկրաինայի հետ: Մենք կշարունակենք հորդորել կողմերին շարունակել երկխոսությունը և դիվանագիտությունը»:
