ԵԱՏՄ-ն չի կարող վավերացնել նավիգացիոն կապարակնիքների մասին համաձայնագիրը. Մյասնիկովիչ
Բիզնեսը սպասում է ապրանքների պարզեցված տեղաշարժի համակարգի աշխատանքի արագ մեկնարկին։ Այս մասին, Sputnik Բելառուսի փոխանցմամբ, ԵՏՀ խորհրդի նիստում հայտարարել է ԵՏՀ կոլեգիայի նախագահ Միխայիլ Մյասնիկովիչը։
Նրա խոսքով` նավիգացիոն կապարակնիքների մասին փաստաթուղթը համաձայնեցման կարիք ունի, որպեսզի ավելի արագ սկսի գործել։ Բուն համաձայնագիրը, միևնույն ժամանակ, վավերացում է պահանջում։
«Անկախ բոլոր պնդումներից, երկրներից ոչ մեկը դեռ չի վավերացրել այդ համաձայնագիրը»,- փաստել է ԵՏՀ-ի ղեկավարը։
Մյասնիկովիչը նշել է, որ բիզնեսն ու իրավասու մարմինները սպասում են` երբ է գործելու ապրանքների պարզեցված շարժի համակարգը։
Այսօրվա նիստում նեղ և ընդլայնված կազմերով պետք է քննարկվի 25 հարց։ Ընդ որում` դրանց մեծ մասն ընդունվել է առանց քննարկման, քանի որ նախապես մանրակրկիտ մշակվել էր։
Առանցքային էին ինտեգրացիոն ենթակառուցվածքային նախագծերի և գազի ընդհանուր շուկայի աշխատանքի հետ կապված հարցերը։
ԵՏՀ-ի նախագահը խորհրդի մասնակիցներին հայտնել է, որ հաջորդ նիստը նախատեսվում է անցկացնել Մոսկվայում օգոստոսի 19-ին` տեսակապի ռեժիմով։
armeniasputnik.am
