Էրդողանը ժամանել է Թեհրան
Երկուշաբթի օրը, գլխավորելով բարձրաստիճան պատվիրակություն, Թուրքիայի նախագահ Ռեջեփ Թայիփ Էրդողանը երկօրյա այցով ժամանել է Թեհրան։
Էրդողանը կմասնակցի այսօր կայանալիք Իրան-Թուրքիա բարձրագույն համագործակցության խորհրդի յոթերորդ նիստին և Աստանայի գործընթացի առաջնորդների 7-րդ հանդիպմանը։ Նիստին կմասնակցի նաև Իրանի Իսլամական Հանրապետության նախագահ Սեյեդ Էբրահիմ Ռայիսին:
Կանխատեսվում է, որ նիստի շրջանակում Էրդողանը հանդիպում կունենա նաև իր ռուս գործընկերոջ հետ, ավ այսօր է մեկնելու Թեհրան:
ԻԻՀ ԱԳ նախարար Հոսեյն Ամիր Աբդոլլահյանը մի քանի ժամ առաջ Twitter-ում, անդրադառնալով Թեհրանում Իրանի, Թուրքիայի և Ռուսաստանի ղեկավարների հանդիպումներին, նշել է, որ Իրանի Իսլամական Հանրապետությունը դինամիկ դիվանագիտության կենտրոնն է: .
Աստանայի բանակցությունները մեկնարկել են 2017 թվականի հունվարից՝ Իրանի նախաձեռնությամբ և Ռուսաստանի ու Թուրքիայի համագործակցությամբ՝ նպատակ ունենալով Սիրիայում խաղաղություն հաստատել։