Սիրիական Մադայա քաղաքում 16 մարդ սովամահ է եղել
Հունվար 30, 2016 16:19 Asia/Tehran
Սիրիական Մադայա քաղաքում 16 մարդ սովամահ է եղել այն պահից, երբ հունվարի սկզբին ՄԱԿ-ի երկու շարասյուն մարդասիրական օգնություն են հասցրել քաղաքի բնակիչներին:
Այս մասին գրում է Korrespondent.net-ը՝ վկայակոչելով «Բժիշկներ առանց սահմանների» կազմակերպությանը:
Բժիշկների տվյալներով՝ ևս 33 մարդ ծանր վիճակում է թերսնուցման պատճառով: Կազմակերպությունը քաղաքում ստեղծված իրավիճակն անվանում է «բացարձակապես անթույլատրելի» և նշում, որ բնակիչներին տարհանել էր պետք մի քանի շաբաթ առաջ:
«Բժիշկներ առանց սահմանների» կազմակերպության տվյալներով՝ անցած տարի Լիբանանի հետ սահմանին տեղակայված քաղաքում սովամահ է եղել 30 մարդ:
Պիտակ
