Սաուդյան Արաբիայի ԱԳ նախարարն այցելել է Ադրբեջան

Սաուդյան Արաբիայի արտաքին գործերի նախարարի գլխավորած պատվիրակությունը ժամանել է Ադրբեջանի մայրաքաղաք Բաքու։

Սաուդյան Արաբիան վերջին տարիներին փորձել է ընդլայնել իր հարաբերությունները Ադրբեջանի Հանրապետության հետ։ Վերլուծաբանները կարծում են,որ Սաուդյան Արաբիան Կովկասյան տարածաշրջանում ավելի մեծ ազդեցություն ունենալու և  տարածաշրջանի իրավիճակի վրա ազդելու  նպատակով  փորձում է ընդլայնել իր  համագործակցությունը տարածաշրջանի երկրների հետ:

Երեքշաբթի օրը Սաուդյան Արաբիայի արտգործնախարարությունը հայտնել է այդ երկրի արտգործնախարար Ֆեյսալ բին Ֆարհանի գլխավորած պատվիրակության Բաքու կատարած այցի և Ադրբեջանի  պաշտոնյաների, այդ թվում՝ երկրի նախագահ Իլհամ Ալիևի հետ հանդիպման մասին։

Այս այցը  տեղի է ունենում Սիոնիստական ​​ռեժիմի պատերազմի նախարար Բենի Գանցի՝ Բաքու կատարած  այցից և Ադրբեջանի Հանրապետության ռազմա-քաղաքական բարձրաստիճան պաշտոնյաների և Իլհամ Ալիևի հետ հանդիպումից մեկ օր անց։

Բաքվից նաև հայտնում են, որ Թուրքիայի պաշտպանության նախարար Հուլուսի Աքարը մեկնել է Ադրբեջանի Հանրապետություն և հանդիպել  իր գործընկեր Զաքիր Հասանովի հետ։

Որոշ վերլուծաբաններ կարծում են, որ Իրանի հետ Ադրբեջանի սահմանակից լինելու պատճառով Արաբիան և Սիոնիստական ​​ռեժիմը ցանկանում են իրենց ռազմական և անվտանգության համագործակցությունն ընդլայնել  Բաքվի հետ։