Գերմանիայում համատարած բողոքի ցույցեր են՝ թանկացումների դեմ

Շաբաթ օրը Բեռլինում կայացած ցույցի մասնակիցները բողոքել են բարձր գների դեմ։

Ցուցարարները բողոքել են վառելիքի գների բարձրացման և կենսապայմանների վատթարացման դեմ և պահանջել բարձրացնել խոշոր ընկերությունների հարկերը, որոնք շահում են էներգետիկ ճգնաժամից։

Օրեր առաջ Գերմանիայի դաշնային վիճակագրական վարչությունը հայտարարեց, որ հոկտեմբերին այս երկրում գնաճի մակարդակը գերազանցել է կանխատեսումների մակարդակը և հասել աննախադեպ ցուցանիշի՝ 10,4 տոկոսի։

Նախորդ տարվա նույն ժամանակահատվածի համեմատ, Գերմանիայում պարենային ապրանքների գներն աճել են 20.3 տոկոսով:

Ըստ Եվրոստատի  վիճակագրության՝  այս տարվա սեպտեմբերին, նախորդ տարվա նույն ժամանակահատվածի համեմատ, գնաճի մակարդակը Եվրամիության անդամ բոլոր 27 երկրներում հասել է 10,9 տոկոսի։

Եվրոպայում և ԱՄՆ-ում էներգետիկ ճգնաժամը և  նավթի ու գազի գնի բարձրացումը տեղի է ունեցել Ռուսաստանի դեմ լայնածավալ պատժամիջոցների սահմանումից հետո՝ Դոնբասի տարածաշրջանում հատուկ ռազմական գործողություններ իրականացնելու և Ուկրաինայի հետ պատերազմ սկսելու պատրվակով։