Աշխարհում մոտ 350 միլիոն մարդ պարենային անապահովության թիրախում է

Պարենի համաշխարհային ծրագիրը նախազգուշացրել է, որ աշխարհում գրեթե 350 միլիոն մարդ տառապում է պարենային անապահովությունից։

Իրանի ռադիո-հեռուստատեսության լրատվական գործակալության փոխանցմամբ՝ Պարենի համաշխարհային ծրագիրը հայտարարել է, որ աշխարհում 349 միլիոն մարդ չգիտի, թե ինչպես ապահովի իր հաջորդ սնունդը, և այդ թիվը գնալով ավելանում է։

Միջազգային կազմակերպությունը նաև հայտնել է, որ մինչև 2022 թվականի վերջը սննդամթերք կբաժանի աշխարհի ամենախոցելի 150 միլիոն մարդկանց։

Պարենի համաշխարհային ծրագրի և ՄԱԿ-ի Պարենի և գյուղատնտեսության կազմակերպության (FAO) տնտեսական փորձագետները նշել են, որ մի շարք գործոններ, այդ թվում՝ կորոնավիրուսը, հակամարտությունները, եղանակային անսպասելի իրադարձությունները, ինչպիսիք են աննախադեպ ջրհեղեղներն ու երաշտները, էներգակիրների գները և Ուկրաինայում պատերազմը հանգեցրել են աշխարհում պարենային անապահովության: