Իրաքում տարբեր միջոցառումներ են կազմակերպվում՝ Դիմադրության նահատակների մահվան երրորդ տարելիցի կապակցությամբ
Իրաքի տարբեր քաղաքներում անցկացվում են արարողություններ՝ նվիրված Դիմադրության նահատակնր Հաջ Ղասեմ Սոլեյմանիի և Աբու Մեյդի ալ-Մոհանդեսի հիշատակին:
Բաղդադի Քարադե թաղամասում երեկ կայացել է սգո երթ՝ իսլամի մարգարեի դստեր՝ Ֆաթիմա Զահրայի նահատակության օրվա և Դիմադրության նահատակների մահվան երրորդ տարելիցի կապակցությամբ:
Քերքուքում տեղի է ունեցել հիշատակի արարողություն՝ «Նահատակություն և ինքնիշխանություն» խորագրով:
Ալ-Նասիրեյի Ալշեյխ Ալամ հրապարակում նույնպես տեղի է ունեցել հիշատակի արարողություն, որի մասնակիցները վերահաստատել են իրենց ուխտը Դիմադրության նահատակների հետ: Իրաքի Վասաթ նահանգում կայացել է Դիմադրության նահատակների մահվան երրորդ տարելիցին նվիրված արարողություն, որին մասնակցել են հարյուրավոր մարդիկ:
Շաբաթ և կիրակի օրերին նույնպես Իրաքի տարբեր շրջաններում տեղի կունենան Դիմադրության նահատակների մահվան երրորդ տարելիցին նվիրված արարողություններ, այդ թվում՝ հանդիպումներ, երթեր, պոեզիայի երեկոներ և այլն:
ԻՀՊԿ «Ղոդս» ուժերի հրամանատար գեներալ Ղասեմ Սոլեյմանին, ով Իրաք էր մեկնել այդ երկրի իշխանությունների պաշտոնական հրավերով, Իրաքի Հաշդ ալ-Շաբի ուժերի փոխհրամանատար Աբու Մեհդի ալ-Մոհանդեսը և նրանց ութ ուղեկիցները, նահատակվեցին 2020թ հունվարի 3-ին՝ Բաղդադի օդնավակայանի մերձակայքում ամերիկյան ուժերի իրականացրած ավիահարձակման հետևանքով:
